ಹೈಪೋಗ್ಲಿಸೀಮಿಯ ಅಂದರೆ ರಕ್ತದಲ್ಲಿ ಗ್ಲೂಕೋಸಿನ ಅಂಶವು ಅತೀ ಕಡಿಮೆ, ಅಂದರೆ ಸಾಮಾನ್ಯವಾಗಿ ೭೦ ಮಿಲಿಗ್ರಾಂ/ಡಿ‍ಎಲ್ ಗಿಂತಲೂ ಕಡಿಮೆಯಿರುವ ಒಂದು ಸ್ಥಿತಿಯಾಗಿದೆ. ಇದು ನೀವು: ಅತಿಯಾದ ವ್ಯಾಯಾಮ ಸಾಕಷ್ಟು ತಿನ್ನದಿರುವುದು ಒಂದು ಊಟ ತಪ್ಪಿಸುವುದು ಹಾಗೂ ಅತಿಯಾದ ಔಷಧ ಸೇವನೆ ಮಾಡಿದಲ್ಲಿ, ಸಂಭವಿಸಬಹುದು ಆದಾಗ್ಯೂ, ನಿಮ್ಮ ಆರೋಗ್ಯದ ಆರೈಕೆ ಮಾಡುವವರೊಂದಿಗೆ ವೈಯಕ್ತಿಕವಾಗಿ, ನಿಮ್ಮ ರಕ್ತದ ಗ್ಲೂಕೋಸಿನ ಪ್ರಮಾಣ ಮತ್ತು ನಿಮಗೆ ಅತೀ ಕಡಿಮೆ ಪ್ರಮಾಣ ಎಂದರೆ ಯಾವುದು ಎಂಬುದರ ಕುರಿತು ಮಾತನಾಡುವುದು ಅಗತ್ಯ.

ನಿಮ್ಮ ರಕ್ತದಲ್ಲಿ ಸಕ್ಕರೆಯ ಅಂಶವು ಕಡಿಮೆ ಇದ್ದಾಗ ಮೊದಲಿಗೆ, ತ್ವರಿತವಾಗಿ-ಕೆಲಸ ಮಾಡುವ ಒಂದು ಕಾರ್ಬೋಹೈಡ್ರೇಟ್ ಅನ್ನು 15 ಗ್ರಾಂಗಳಷ್ಟು ತಿನ್ನಿ ಅಥವಾ ಕುಡಿಯಿರಿ. ಅವುಗಳೆಂದರೆ: ಮೂರರಿಂದ ನಾಲ್ಕು ಗ್ಲೂಕೋಸ್ ಮಾತ್ರೆಗಳು ಗ್ಲೂಕೋಸ್ ಜೆಲ್‍ನ ಒಂದು ಟ್ಯೂಬ್ ನಾಲ್ಕರಿಂದ ಆರು ತುಂಡು ಗಟ್ಟಿಯಿರುವ ಕ್ಯಾಂಡಿ(ಸಕ್ಕರೆ-ಮುಕ್ತ ಅಲ್ಲ) 1/2 ಕಪ್ ಹಣ್ಣಿನ ರಸ 1 ಕಪ್ ಸ್ಕಿಮ್ ಹಾಲು 1/2 ಕಪ್ ಮೃದು ಪಾನೀಯ(ಸಾಫ್ಟ್ ಡ್ರಿಂಕ್) (ಸಕ್ಕರೆ-ಮುಕ್ತ ಅಲ್ಲ)

ಅದುರುವುದು ಬೆವರುವುದು ತೆಲೆತಿರುಗುವಿಕೆ ಹಸಿವು ವೇಗದ ಎದೆಬಡಿತ ಮಸುಕು ದೃಷ್ಟಿ ತಲೆನೋವು ನಿತ್ರಾಣ ಅಥವಾ ಆಯಾಸ ನಿಮಗೆ ರಕ್ತದಲ್ಲಿ ಕಡಿಮೆ ಸಕ್ಕರೆ ಇರುವ ಸಮಸ್ಯೆಯಿದ್ದರೆ, ತಕ್ಷಣವೇ 15 ಗ್ರಾಂಗಳಷ್ಟು ತ್ವರಿತವಾಗಿ ಕೆಲಸ ಮಾಡುವ, ಈ ಕೆಳಗೆ ತಿಳಿಸಿದಂತಹ ಸಕ್ಕರೆಯುಕ್ತ ಆಹಾರವನ್ನು ತಿನ್ನುವುದು ಅಥವಾ ಕುಡಿಯುವುದು ಅತೀ ಅಗತ್ಯ: 1/2 ಕ್ಯಾನ್ ಸಾಮಾನ್ಯ(ಡಯಟ್ ಅಲ್ಲ!) ಸೋಡಾ 1 ಚಮಚ (ಅಥವಾ ಎರಡು ಪ್ಯಾಕೆಟ್‍ಗಳಷ್ಟು ನಿಜವಾದ ಸಕ್ಕರೆ) ನೀವು ತ್ವರಿತವಾಗಿ ತಿನ್ನಬಹುದಾದಂತಹ 3 ಗಟ್ಟಿ ಕ್ಯಾಂಡಿಗಳು

ಮಧುಮೇಹಕ್ಕೆ ಇನ್ಸುಲಿನ್ನಿಂದ ಚಿಕಿತ್ಸೆ ಪಡೆಯುವವರಲ್ಲಿ ರಾತ್ರಿಯ ಹೈಪೋಗ್ಲಿಸೀಮಿಯ ಅಥವಾ ರಾತ್ರಿಯ ಹೈಪೋ ಸಾಮಾನ್ಯವಾಗಿದೆ. ಇದರ ಲಕ್ಷಣಗಳು ಹೈಪೋದಿಂದ ಎಚ್ಚರವಾದ ಮೇಲೆ ಮಾತ್ರವೇ ಅರಿವಿಗೆ ಬರುತ್ತದೆ. ಅದರ ಸ್ವರೂಪದಿಂದಾಗಿ, ಸಾಮಾನ್ಯವಾಗಿ, ನಿಮಗೆ ರಾತ್ರಿಯ ಹೈಪೋ ಇದೆಯೆಂದು ಹೈಪೋವಿನ ಕಾರಣ ಎಚ್ಚರಗೊಂಡ ಮೇಲೆ ಮಾತ್ರವೇ ಗೊತ್ತಾಗುತ್ತದೆ. ಆದ್ದರಿಂದ, ತಮಗೆ ರಾತ್ರಿಯ ಸಮಯದ ಹೈಪೋ ಇದೆಯೆಂದು ಜನರಿಗೆ ಅರಿವೇ ಇರುವುದಿಲ್ಲ, ಆದ್ದರಿಂದ, ಬರಬಹುದಾದ ರಾತ್ರಿಯ ಹೈಪೋವಿನ ಚಿಹ್ನೆಗಳು ಮತ್ತು ರೋಗ ಲಕ್ಷಣಗಳನ್ನು ಗುರುತಿಸಲು ಸಾಧ್ಯವಾಗುವುದು ಒಳ್ಳೆಯದು. ಇನ್ಸುಲಿನ್ ಬಳಕೆ ಮಾಡುವವರಲ್ಲಿ ರಾತ್ರಿಯ ಹೈಪೋಗ್ಲಿಸೀಮಿಯ ಬಹಳ ಸಾಮಾನ್ಯವಾಗಿ ಕಂಡು ಬರುವುದಾದರೂ, ಅದು ಮಧುಮೇಹಕ್ಕೆ ಬಾಯಿ ಮೂಲಕ ಔಷಧಿ ತೆಗೆದುಕೊಳ್ಳುವವರಲ್ಲಿ ಕೂಡಾ ಕಂಡು ಬರಬಹುದು.

ರಾತ್ರಿಯ ಹೈಪೋಗ್ಲಿಸೀಮಿಯದ ಸಮಯದಲ್ಲಿ ಕೆಲವೊಮ್ಮೆ ನೀವು ಎಚ್ಚರಗೊಳ್ಳಬಹುದು. ಆದಾಗ್ಯೂ, ಒಂದು ವೇಳೆ ನೀವು ಎಚ್ಚರಗೊಳ್ಳದಿದ್ದಲ್ಲಿ, ನೀವು ನಿದ್ದೆಯಲ್ಲಿದ್ದಾಗ ನಿಮಗೆ ಹೈಪೋಗ್ಲಿಸೀಮಿಯ ಸಂಭವಿಸಿರಬಹುದೆಂಬುದಕ್ಕೆ ಈ ಕೆಳಗಿನ ಒಂದು ಅಥವಾ ಹೆಚ್ಚಿನ ಸುಳಿವುಗಳನ್ನು ನೀವು ಗಮನಿಸಬಹುದು. ಚಡಪಡಿಕೆಯ ನಿದ್ದೆ ನಿಜವೆಂದು ಕಾಣುವಂತಹ ಕನಸುಗಳು ಅಥವಾ ದುಃಸ್ವಪ್ನ ಬೆಳಗಿನ ಜಾವದ ತಲೆನೋವು ರಾತ್ರಿ ಬೆವರುವುದು ಚಿತ್ತ ಚಾಂಚಲ್ಯ ಬಳಲಿಕೆ ಸ್ನಾಯು ಸೆಳೆತದಿಂದ ಉಂಟಾಗುವ ನಡುಕ

ಮಧುಮೇಹವಿರುವ ಮಕ್ಕಳ ಪೋಷಕರಿಗೆ, ರಾತ್ರಿಯ ಹೈಪೋಗ್ಲಿಸೀಮಿಯ ನಿಜವಾಗಿಯೂ ಒಂದು ಚಿಂತೆಯ ವಿಷಯವಾಗಿದೆ. ಮಧುಮೇಹವಿರುವ ಮಕ್ಕಳ ಪೋಷಕರು, ಅವರಿಗೆ ರಾತ್ರಿಯ ಹೈಪೋಗ್ಲಿಸೀಮಿಯ ಸಂಭವಿಸುತ್ತಿರಬಹುದೆಂದು ಚಿಂತಿತರಾಗಿದ್ದಲ್ಲಿ ಮಕ್ಕಳು ಮಲಗಿದ್ದಾಗ ಅವರ ಕುತ್ತಿಗೆಯನ್ನು ಪರೀಕ್ಷಿಸಲು ಬಯಸಬಹುದು.

ನಿಮ್ಮ ದೇಹದ ದಪ್ಪನೆಯ ಭಾಗದಲ್ಲಿ ಚರ್ಮದ ಸ್ವಲ್ಪ ಒಳಗೆ ಚುಚ್ಚಿಕೊಂಡಾಗ ಇನ್ಸುಲಿನ್ ಉತ್ತಮವಾಗಿ ಕೆಲಸ ಮಾಡುತ್ತದೆ. ನೀವು ದವಾಖಾನೆ (ಕ್ಲಿನಿಕ್) ಯನ್ನು ಬಿಡುವುದರ ಮೊದಲು, ನೀವು ಈ ಕೆಳಗಿನವುಗಳನ್ನು ಹೇಗೆ ಮಾಡಬೇಕೆಂದು ತಿಳಿದುಕೊಂಡಿದ್ದೀರೆಂದು ಖಾತರಿಪಡಿಸಿಕೊಳ್ಳಿ: ಇನ್ಸುಲಿನ್‍ನ್ನು ಸಿದ್ಧಪಡಿಸುವುದು ಇನ್ಸುಲಿನ್‍ನ್ನು ಚುಚ್ಚಿಕೊಳ್ಳುವುದು ಚುಚ್ಚಿಕೊಂಡ ಸ್ಥಳವನ್ನು ತಿರುಗಿಸುವುದು

ಇನ್ಸುಲಿನ್‍ನ್ನು ನಿಮ್ಮ ದೇಹದೊಳಕ್ಕೆ ರವಾನಿಸುವ ಹಲವಾರು ಸಾಧನಗಳು ಲಭ್ಯವಿವೆ; ಸಿರಿಂಜ್, ಇನ್ಸುಲಿನ್ ಪೆನ್, ಇನ್ಸುಲಿನ್ ಪಂಪ್, ಮತ್ತು ಐ-ಪೋರ್ಟ್‍ಗಳು ಇನ್ಸುಲಿನ್‍ನ್ನು ರವಾನಿಸಲು ಇರುವ ಹಲವಾರು ಆಯ್ಕೆಗಳು. ಸಿರಿಂಜ್- ಇನ್ಸುಲಿನ್ ಸಿರಿಂಜ್‍ಗಳು ಸಾಮಾನ್ಯವಾದವುಗಳಿಗಿಂತ ಭಿನ್ನವಾಗಿರುತ್ತವೆ. ಅವುಗಳು ತೆಳ್ಳಗಿದ್ದು, ಸರಿಸುಮಾರು ನೋವೇ ಇಲ್ಲದ ಸೂಜಿಯೊಂದಿಗೆ ಮತ್ತು ತೆಗೆಯಬಲ್ಲ ಸೂಜಿಯ (ನೀಡಲ್) ಗಾರ್ಡ್‍ನೊಂದಿಗೆ ಬರುತ್ತವೆ. ಸರಿಯಾದ ಪ್ರಮಾಣದ ಇನ್ಸುಲಿನ್‍ನ್ನು ಹೊರಸೆಳೆಯಲು ಅನುವಾಗುವಂತೆ ಸೂಜಿಯ (ಸಿರಿಂಜ್‍ನ) ಹೊರಭಾಗವು ಗೆರೆಗಳಿಂದ ಗುರುತಿಸಲ್ಪಟ್ಟಿರುತ್ತವೆ. ಪೆನ್ - ಇದು ಇನ್ಸುಲಿನ್ ಕಾರ್ಟ್ರಿಜ್ (ಸಂಯೋಜಿತ ಅಥವಾ ಪ್ರತ್ಯೇಕವಾಗಿ ಖರೀದಿಸಿದ) ನ್ನು ಮತ್ತು ಪ್ರಮಾಣವನ್ನು ಅಳೆಯಲು ಒಂದು ಡಯಲ್‍ನ್ನು ಒಳಗೊಂಡಿರುತ್ತದೆ, ಮತ್ತು ಔಷಧಿಯನ್ನು ರವಾನಿಸಲು ಇದನ್ನು ಎಸೆಯಬಹುದಾದ ಪೆನ್ ಸೂಜಿಯೊಂದಿಗೆ ಬಳಸಬಹುದು. ಇನ್ಸುಲಿನ್ ಸಿರಿಂಜ್‍ಗಳಿಗೂ ಮೇಲಾಗಿ ಇನ್ಸುಲಿನ್ ಪೆನ್‍ಗಳು ಹಲವಾರು ಮುಖ್ಯ ಲಾಭಗಳನ್ನು ಒದಗಿಸುತ್ತವೆ: ಸುಲಭ ನಿರ್ವಹಣೆ ನಿಖರತೆ

ಕೈಗಳನ್ನು ಬೆಚ್ಚಗಿನ ಮತ್ತು ಸಾಬೂನಿನಿಂದ ಕೂಡಿದ ನೀರಿನಿಂದ ತೊಳೆದುಕೊಳ್ಳಿ. ನೀವು ಕ್ಲೌಡಿ ಇನ್ಸುಲಿನ್ ಅನ್ನು(ಅಂದರೆ ಸಾಮಾನ್ಯ ಮತ್ತು ಎನ್‍ಪಿ‍ಹೆಚ್ ಅಥವಾ ಅಲ್ಟ್ರಾಲೆಂಟ್ ಇನ್ಸುಲಿನ್‍ಗಳ ಮಿಶ್ರಣ) ಬಳಸುವುದಾದರೆ, ಬಾಟಲಿಯನ್ನು ಹಸ್ತಗಳ ನಡುವೆ ಉರುಳಿಸಿ (ಅಲ್ಲಾಡಿಸಬೇಡಿ) ಇನ್ಸುಲಿನ್ ಬಾಟಲಿಯ ರಬ್ಬರ್ ಬಿರಡೆಯನ್ನು(ಸ್ಟಾಪರ್) ಮದ್ಯಸಾರ (ಆಲ್ಕೋಹಾಲ್)ದಿಂದ ಸ್ವಚ್ಛಗೊಳಿಸಿ. ಸಿರಿಂಗ್ ಅನ್ನು ನೀವು ತೆಗೆದುಕೊಳ್ಳುವ ಇನ್ಸುಲಿನ್ನಿನ ಪ್ರಮಾಣದವರೆಗೆ ಗಾಳಿಯಿಂದ ತುಂಬಿಸಿ. ಸೂಜಿಯನ್ನು ಬಾಟಲಿಯ ಬಿರಡೆಗೆ ಚುಚ್ಚಿ ಮತ್ತು ಗಾಳಿಯನ್ನು ಬಾಟಲಿಗೆ ತಳ್ಳಿರಿ. ಈಗ ಸಿರಿಂಜ್ ಮತ್ತು ತಲೆಕೆಳಗಾಗಿ ಹಿಡಿಯಿರಿ ಮತ್ತು ನಿಮ್ಮ ಇನ್ಸುಲಿನ್ ಪ್ರಮಾಣವನ್ನು(ಡೋಸ್) ತುಂಬಿಕೊಳ್ಳಿ ಸೂಜಿಯನ್ನು ಚರ್ಮದ ಒಳಕ್ಕೆ ತೂರಿಸಿ. ಇನ್ಸುಲಿನ್ ಅನ್ನು ಒಳ ಸೇರಿಸಲು ಸಿರಿಂಜಿನ ತುದಿಯಲ್ಲಿರುವ ಪ್ಲಂಜರ್ ಅನ್ನು ಒತ್ತಿರಿ.

ಹೊಸ ಪೆನ್ ಸೂಜಿಯ ತಿರುಪನ್ನು ತಿರುವಿರಿ ಅಥವಾ ಕ್ಲಿಕ್ ಮಾಡಿ. ಅಗತ್ವಿದ್ದಲ್ಲಿ, ಸೂಜಿಯಿಂದ ಗಾಳಿಯನ್ನು ಹೊರಹಾಕಲು ಪೆನ್ನನ್ನು ತಿರುವಿರಿ. ಪೆನ್ನಿನ ತುದಿಯಲ್ಲಿರುವ ಬಿರಡೆಯನ್ನು(ಅಥವಾ "ಡಯಲ್" ಅನ್ನು) ನಿಮಗೆ ಬೇಕಾದ ಪ್ರಮಾಣದ ಸಂಖ್ಯೆಯವರೆಗೆ ತಿರುಗಿಸಿ. ಸೂಜಿಯನ್ನು ಚರ್ಮಕ್ಕೆ ಚುಚ್ಚಿಕೊಲ್ಳಿ. ಇನ್ಸುಲಿನ್ ಅನ್ನು ಒಳಸೇರಿಸಲು ಪೆನ್ನಿನ ತುದಿಯಲ್ಲಿರುವ ಗುಂಡಿಯನ್ನು ಅದುಮಿರಿ. ಡೋಸ್ ಅನ್ನು ಅವಲಂಬಿಸಿ ಐದು ಅಥವಾ ಹತ್ತರವರೆಗೆ ಲೆಕ್ಕ ಹಾಕಿ. ಉಪಯೋಗಿಸಿದ ಸೂಜಿಯನ್ನು ಪೆನ್ನಿನಿಂದ ತೆಗೆದು ಸರಿಯಾದ ರೀತಿಯಲ್ಲಿ ವಿಲೇವಾರಿ ಮಾಡಿ. ಇನ್ಸುಲಿನ್ ಒಳಸೇರಿಸುವ ಸಿರಿಂಜ್ ಮತ್ತು ಪೆನ್ನನ್ನು ಬಳಸಲು ಕೆಲವು ಸಲಹೆಗಳು: ಚಿಕ್ಕ ಸೂಜಿಗಳಾದರೆ ಚುಚ್ಚುವುದರಲ್ಲಿ ಆಗುವ ಅಹಿತಕರ ಅನುಭವ ಕಡಿಮೆ. ಆದರೆ, ಇನ್ಸುಲಿನ್ ಎಷ್ಟು ಬೇಗ ಪರಿಣಾಮ ಬೀರುತ್ತದೆ ಎಂಬುದು ಸೂಜಿಯನ್ನು ಎಷ್ಟು ಆಳಕ್ಕೆ ಚುಚ್ಚಿಸಿಕೊಳ್ಳುತ್ತೀರಿ ಎಂಬುದನ್ನು ಅವಲಂಬಿಸಿದೆ. ಸಿರಿಂಜಿನ ಗಾತ್ರವು(ಉದಾಹರಣೆಗೆ., 1 ಸಿಸಿ, 1/2 ಸಿಸಿ, 3/10 ಸಿಸಿ) ಇನ್ಸುಲಿನ್ ಪ್ರಮಾಣ(ಡೋಸ್)ಕ್ಕೆ ಹೊಂದಿಕೆಯಾಗುವಂತೆ ನೋಡಿಕೊಳ್ಳಿ. ಸಿರಿಂಜ್/ಪೆನ್ನಿನ ಸೂಜಿಯನ್ನು ಮರು-ಬಳಕೆ ಮಾಡಬೇಡಿ. ಸಿರಿಂಜನ್ನು ಹಂಚಿಕೊಳ್ಳಬೇಡಿ. ಬಳಸಿದ ಸಿರಿಂಜ್‍ಗಳು/ಪೆನ್ ಸೂಜಿಯನ್ನು ಸಮರ್ಪಕ ರೀತಿಯಲ್ಲಿ ವಿಲೇವಾರಿ ಮಾಡಿ.

ಇನ್ಸುಲಿನ್‍ನ್ನು ಚರ್ಮದ ಕೆಳಗೆ ದೇಹದ ಕೊಬ್ಬಿನ ಭಾಗಗಳಿಗೆ ಚುಚ್ಚಿಕೊಂಡಲ್ಲಿ ಇನ್ಸುಲಿನ್ ಅತ್ಯುತ್ತಮವಾಗಿ ಕೆಲಸ ಮಾಡುತ್ತದೆ. ಈ ಕೆಳಗಿನವುಗಳು ಇನ್ಸುಲಿನ್‍ನ್ನು ಚುಚ್ಚಿಕೊಳ್ಳುವ ಜಾಗಗಳು ಮೇಲ್‍ತೋಳಿನ ಹಿಂಭಾಗ ಹೊಟ್ಟೆ (ಹೊಕ್ಕುಳಿನ ಸುತ್ತ) ತೊಡೆಗಳ ಮುಂಭಾಗ ಮತ್ತು ಪಾರ್ಶ್ವಗಳು ಸೊಂಟದ ಮೇಲೆ ಹಿಂಭಾಗ ಕೆಳಭಾಗಗಳು (ಅಂಡುಗಳು) ಮೊದಲು ಇಂಜೆಕ್ಷನ್ ತೆಗೆದುಕೊಂಡ ಜಾಗದಿಂದ 1 ಇಂಚು ದೂರವಿಡಿ. ಹೊಕ್ಕುಳು ಮತ್ತು ಯಾವುದೇ ಗಾಯವಿರುವ ಜಾಗದಿಂದ 2 ಇಂಚುಗಳ ದೂರವಿಡಿ. ತರಚಿದ, ಮೃದುವಾದ, ಉಬ್ಬಿಕೊಂಡ ಅಥವಾ ಗಟ್ಟಿಯಿರುವ ಜಾಗಗಳನ್ನು ಉಪಯೋಗಿಸಬೇಡಿ. ಚುಚ್ಚಿಕೊಳ್ಳಲು ಜಾಗವನ್ನು ಆಯ್ಕೆ ಮಾಡುವಾಗ ಗಮನಿಸಬೇಕಾದ ಅಂಶಗಳು ಇಂಜೆಕ್ಷನ್ ಚುಚ್ಚಿಕೊಳ್ಳುವ ಜಾಗವನ್ನು ತಿರುಗಿಸಿಕೊಳ್ಳುತ್ತಿರುವುದು ಲಿಪೋಡಿಸ್ಟ್ರೋಫಿಯ ಅಪಾಯಗಳನ್ನು, ಒಂದೇ ಜಾಗದಲ್ಲಿ ಮತ್ತೆ ಮತ್ತೆ ಚುಚ್ಚಿಕೊಳ್ಳುವುದರಿಂದ ಚರ್ಮದ ಕೆಳಗೆ ಉಂಟಾಗುವಂತಹ ಕೊಬ್ಬಿನ ಗಂಟುಗಳು ಉಂಟಾಗಬಹುದಾದ ಅಪಾಯವನ್ನು ತಗ್ಗಿಸಬಹುದು. ಜಾಗಗಳನ್ನು ಸರಿಯಾದ ರೀತಿಯಲ್ಲಿ ತಿರುಗಿಸಲು ಇರುವ ಎರಡು ನಿಯಮಗಳು ಪ್ರತಿದಿನದಲ್ಲೂ ಒಂದೇ ಅವಧಿಯಲ್ಲಿ ಒಂದೇ ಸ್ಥಳವನ್ನು ಬಳಸಿಕೊಳ್ಳುವುದು ಚುಚ್ಚಿಕೊಂಡಿರುವ ಜಾಗದ ಒಳಗೇ ತಿರುಗಿಸುವುದು ಇಂಜೆಕ್ಷನ್‍ನ ಕೋನ ಮತ್ತು ಚರ್ಮದ ಮಡಚುವಿಕೆ ಹೆಚ್ಚಿನ ಜನರು ಚರ್ಮವನ್ನು ಮೇಲಕ್ಕೆ ಮಡಚಿಕೊಂಡು ಆ ಜಾಗಕ್ಕೆ ಇಂಜೆಕ್ಷನ್ ಸೂಜಿಯನ್ನು 90° ಕೋನದಲ್ಲಿ ಚುಚ್ಚಿಕೊಳ್ಳುತ್ತಾರೆ. ಚರ್ಮವನ್ನು ಸರಿಯಾದ ರೀತಿಯಲ್ಲಿ ಜಿಗುಟಲು, ಈ ಕೆಳಗಿನ ಹಂತಗಳನ್ನು ಅನುಸರಿಸಿ: ನಿಮ್ಮ ಹೆಬ್ಬೆರಳು ಮತ್ತು ಎರಡು ಬೆರಳುಗಳ ನಡುವೆ ಚರ್ಮವನ್ನು ಹಿಡಿದುಕೊಂಡು ಕೆಲವು ಇಂಚುಗಳನ್ನು ಅದುಮಿ ಚರ್ಮವನ್ನು ಮೇಲಕ್ಕೆ ಎಳೆದು ಕೆಳಭಾಗದ ಸ್ನಾಯುಗಳಿಂದ ಮೇಲಕ್ಕೆ ತನ್ನಿ. (ಒಂದು ವೇಳೆ ನೀವು 4 ಅಥವಾ 5 ಮಿಮಿ ಯ ಮಿನಿ ಪೆನ್ ಸೂಜಿಯನ್ನು ಬಳಸುವುದಾದಲ್ಲಿ) ಸೂಜಿಯನ್ನು ಒಳ ಸೇರಿಸಿ. ಸೂಜಿಯು ಸ್ನಾಯುಗಳಿಗೆ ತಾಗದ ಹಾಗೆ ಚಿವುಟಿದ ಭಾಗವನ್ನು ಹಾಗೆಯೇ ಹಿಡಿದುಕೊಳ್ಳಿ. ಇನ್ಸುಲಿನ್‍ನ್ನು ಒಳಸೇರಿಸಲು ಪ್ಲಂಜರ್‌ನ್ನು (ಅಥವಾ ನೀವು ಪೆನ್‍ನ್ನು ಬಳಸುತ್ತಿದ್ದಲ್ಲಿ ಬಟನ್‍ನ್ನು) ತಳ್ಳಿರಿ. ಚರ್ಮದ ಮಡಕೆಯ ಮೇಲಿನ ಹಿಡಿತವನ್ನು ಬಿಡಿಸಿ. ಚರ್ಮದಿಂದ ಸೂಜಿಯನ್ನು ಹೊರತೆಗೆಯಿರಿ. ಮೇಲ್ವಿಚಾರಣೆ