GDM Malayalam – ഗസ്റ്റേഷനൽ ഡയബറ്റിസ് എന്നാൽ എന്താണ് ?
- ഗർഭകാലത്ത് രൂപപ്പെടുന്ന പ്രമേഹത്തെ ഗസ്റ്റേഷനൽ ഡയബറ്റിസ് എന്ന് വിളിക്കുന്നു.
- ഗർഭ കാലത്തെ ആവശ്യകതകൾ നിറവേറ്റാൻ ആവശ്യമായ ഇൻസുലിൻ (രക്തത്തിലെ ഗ്ലൂക്കോസിനെ നിയന്ത്രിക്കുന്ന ഹോർമോൺ) നിങ്ങളുടെ ശരീരത്തിന് ഉൽപാദിപ്പിക്കാൻ കഴിയാത്തതിനാലാണ് ഇത് സംഭവിക്കുന്നത്. ഇത് രക്തത്തിലെ ഗ്ലൂക്കോസ് വർദ്ധിക്കുന്നതിനു കാരണമാകുന്നു..
- ഗസ്റ്റേഷനൽ ഡയബറ്റിസ് സാധാരണ ഗർഭകാലത്തിന്റെ മധ്യഭാഗത്തോ അല്ലെങ്കിൽ അവസാനത്തിലോ ആണ് ആരംഭിക്കുന്നത്.
GDM Malayalam – ഗസ്റ്റേഷനൽ ഡയബറ്റിസ് എത്രത്തോളം സാധാരണമാണ്?
- ഗർഭാവസ്ഥയിലെ പ്രമേഹം വളരെ സാധാരണമാണ്.
- ഗർഭകാലത്ത് 100 സ്ത്രീകളിൽ 18 പേരെ വരെ ഇത് ബാധിക്കാം.
GDM Malayalam – തൂക്കം കൂടുക
- ഭാരവും നന്നായി നിയന്ത്രിച്ചിട്ടുള്ള ബ്ലഡ് ഷുഗറും, നിങ്ങളുടെ ഭാരവും ഗർഭാവസ്ഥയിൽ ഭാരം കൂടുന്നതും നിങ്ങളുടെ ഗർഭസ്ഥശിശുവിന്റെ ഭാരത്തെ സ്വാധീനിക്കുന്നു..
- നിങ്ങളുടെ ബി എം ഐ ഉയർന്നിരിക്കുകയും ഗർഭിണിയായിരിക്കുമ്പോൾ ശരീരഭാരം കൂടുകയും ചെയ്താൽ നിങ്ങളുടെ ഗർഭസ്ഥ ശിശുവിന്റെയും തൂക്കം കൂടും. അതിനാൽ ഗർഭസ്ഥശിശുവിന് ജനനത്തിനു മുൻപ് അമിതഭാരമുണ്ടാകാനുള്ള സാധ്യതയുണ്ട്.
- ഗർഭകാലത്തിന്റെ ആദ്യ പകുതിയിൽ ശരീരഭാരം കുറച്ചു മാത്രം കൂടാൻ
- അനുവദിക്കുന്നത് ഒരു നല്ല ആശയമാണ്. ഇതിലൂടെ ഗർഭാവസ്ഥയുടെ രണ്ടാം പകുതിയിൽ ശരീരഭാരം കൂടിയാലും വലിയ പ്രശ്‌നമുണ്ടാകുന്നില്ല.
GDM Malayalam – ഗസ്റ്റേഷനൽ ഡയബറ്റിസിന്റെ അപകടസാധ്യത ഘടകങ്ങൾ:
താഴെ പറയുന്ന ഏതെങ്കിലും അപകടസാധ്യത ഘടകങ്ങൾ ഉണ്ടെങ്കിൽ നിങ്ങൾക്ക് ഗസ്റ്റേഷനൽ ഡയബറ്റിസ് ഉണ്ടാകാൻ കൂടുതൽ സാധ്യതയുണ്ട്:
- നിങ്ങളുടെ പ്രായം 25 വയസിൽ കൂടുതൽ
- നിങ്ങളുടെ ബോഡി മാസ് ഇൻഡക്‌സ് (ബിഎംഐ) 30 അല്ലെങ്കിൽ അതിൽ കൂടുതൽ
- പ്രമേഹമുള്ള മാതാവോ സഹോദരനോ സഹോദരിയോ നിങ്ങൾക്കുണ്ട്
- നിങ്ങൾ മുമ്പ് അമിതഭാരമുള്ള കുഞ്ഞിന് (4.5 കിലോ അല്ലെങ്കിൽ കൂടുതൽ) ജന്മം നൽകി
- നിങ്ങൾക്ക് നേരത്തെ ഗസ്റ്റേഷനൽ ഡയബറ്റിസ് ഉണ്ടായിരുന്നു
GDM Malayalam – ഗസ്റ്റേഷനൽ ഡയബറ്റിസ് എന്നെയും കുഞ്ഞിനെയും എങ്ങനെ ബധിക്കും?
- മിക്ക സ്ത്രീകൾക്കും ഗർഭകാലത്ത് പ്രമേഹം ഉണ്ടാകാം. സാധാരണഗതിയിൽ ഇവർക്ക് ആരോഗ്യകരമായ ഗർഭ കാലവും ആരോഗ്യകരമായ കുഞ്ഞും ആയിരിക്കും ഉണ്ടാകുക. എങ്കിലും ചിലപ്പോൾ ഗർഭസ്ഥശിശുവിനു ഗുരുതരമായ പ്രശ്‌നങ്ങൾ ഉണ്ടാകാം, പ്രത്യേകിച്ച് പ്രമേഹം തിരിച്ചറിയാതെ പോയാൽ.
- ഗസ്റ്റേഷനൽ ഡയബറ്റിസ് നിർണ്ണയിക്കുന്നതും ചികിത്സിക്കുന്നതും ഈ അപകടങ്ങളെ കുറയ്ക്കാൻ സഹായിക്കുന്നു
- ഗർഭകാലത്ത് രക്തത്തിലെ ഗ്ലൂക്കോസിന്റെ അളവ് നിയന്ത്രിക്കേണ്ടത് പ്രധാനമാണ്. നിങ്ങളുടെ രക്തത്തിലെ ഗ്ലൂക്കോസ് അളവ് വളരെ ഉയർന്നതാണെങ്കിൽ, നിങ്ങളുടെ കുഞ്ഞ് കൂടുതൽ ഇൻസുലിൻ ഉൽപാദിപ്പിക്കുകയും, അത് നിങ്ങളുടെ കുഞ്ഞിന്റെ ഭാരം വലിയ തോതിൽ വർദ്ധിപ്പിക്കുകയും പ്രസവം ദുഷ്‌കരമാക്കുകയും സിസേറിയൻ വേണ്ടിവരികയും ചെയ്‌തേക്കാം. ഗുരുതരമായ ജനനപ്രശ്‌നങ്ങൾക്കും ചിലപ്പോൾ കുഞ്ഞ് ചാപിള്ളയാകാനും ഇതു ഇടയാക്കാം.
- *ഗസ്റ്റേഷനൽ ഡയബറ്റിസ് കണ്ടുപിടിക്കുകയും നിയന്ത്രിക്കുകയും ചെയ്യാതിരുന്നാൽ ഈ അപകടസാധ്യത കൂടുതലാകും
- അധിക ഇൻസുലിൻ ഉണ്ടാക്കുന്ന കുഞ്ഞിൽ ജനനത്തിനു ശേഷം ഗ്ലൂക്കോസ് അളവു കുറയുകയും നവജാതശിശുവിഭാഗത്തിൽ കൂടുതൽ പരിചരണം ആവശ്യമായി വരികയും ചെയ്യും.
- പിൽക്കാല ജീവിതത്തിൽ കുഞ്ഞിന് അമിത വണ്ണം ഒപ്പം/ അല്ലെങ്കിൽ പ്രമേഹം ഉണ്ടാകാൻ കൂടുതൽ സാധ്യതയുണ്ട്.
- ഗർഭകാലത്തും പ്രസവസമയത്തും നിങ്ങളുടെ രക്തത്തിലെ ഗ്ലൂക്കോസിന്റെ അളവ് നിയന്ത്രിക്കുന്നതിലൂടെ നിങ്ങൾക്കും നിങ്ങളുടെ കുഞ്ഞിനും ഉണ്ടാകാവുന്ന സങ്കീർണതകൾ കുറയ്ക്കുവാൻ സാധിക്കും.
GDM Malayalam – എനിക്ക് ചികിത്സ ആവശ്യമായി വരുമോ ?
- ഗസ്റ്റേഷനൽ ഡയബറ്റിസ് ഉള്ള അഞ്ച് സ്ത്രീകളിൽ ഒരാൾക്ക് ഗർഭ കാലയളവിൽ അവരുടെ രക്തത്തിലെ ഗ്ലൂക്കോസ് നിയന്ത്രിക്കുന്നതിന് ഗുളിക കഴിക്കുകയോ ഇൻസുലിൻ കുത്തിവയ്പുകളെടുക്കുകയോ ചെയ്യേണ്ടി വരാം. നിങ്ങൾക്ക് അനുയോജ്യമായ ചികിത്സ എന്താണ് എന്ന് നിങ്ങളുടെ ഹെൽത്ത്‌കെയർ ടീം ഉപദേശിക്കും.
- നിങ്ങൾക്ക് ഇൻസുലിൻ ആവശ്യമുണ്ടെങ്കിൽ, നിങ്ങളുടെ സ്‌പെഷ്യലിസ്റ്റ് ഡയബറ്റിസ് നഴ്‌സ് നിങ്ങൾ ചെയ്യേണ്ടത് എന്താണെന്ന് കൃത്യമായി വിശദീകരിക്കും.
- ഗർഭകാലത്ത് ആഴ്ച തോറും നിങ്ങളുടെ ഇൻസുലിന്റെ ആവശ്യം മാറുന്നു. ഗർഭാവസ്ഥയിൽ നിങ്ങൾക്ക് തൂക്കം കൂടുന്നതിനനുസരിച്ച് ഇൻസുലിന്റെ അളവും കൂട്ടേണ്ടി വരുമെന്ന് പ്രതീക്ഷിക്കാം.
- ഇൻസുലിൻ നിങ്ങൾ എങ്ങനെ കുത്തിവയ്ക്കും എന്നു കാണിച്ചു തരുന്നതും എത്ര തവണ അതു ചെയ്യണം, നിങ്ങളുടെ ബ്ലഡ് ഗ്ലൂക്കോസ് അളവുകൾ എപ്പോഴെല്ലാം പരിശോധിക്കണം തുടങ്ങിയ കാര്യങ്ങളെല്ലാം ഇതിൽ ഉൾപ്പെടുന്നു.